M.Ə.Rəsulzadə bələdiyyəsinin təşkilati dəstəyi və GİZ Almaniya Beynəlxalq Əməkdaşlıq cəmiyyətinin Yerli Özünüidarəetmə Proqramının maliyyə dəstəyi ilə bələdiyyə üzvü Günel Vahabzadənin “Sağlam gələcək üçün erkən nikaha yox deyək” adlı layihəsi həyata keçirilib. Layihədə M.Ə.Rəsulzadə bələdiyyəsinin sədri Hümbət Hüseynov , Binəqədi rayon qeydiyyat şöbəsinin müdiri Tavat İsmayılova, 9 saylı qadın məsləhətxanasının həkim-genekoloqu Tacə Səmədova,qəsəbə ərazisində təhsil alan məktəblilər və bələdiyyə üzvləri iştirak etmişdir. Erkən nikah ailə zorakılığının ən ağır formalarından biridir. Azərbaycan qadın və uşaq hüquqları ilə bağlı əksər konvensiyalara qoşulub və qanunvericilik beynəlxalq standartlara uyğunlaşdırılıb. Deməli, erkən nikah bu konvensiyaların tələblərinə ziddir. Belə ki, erkən nikah həm azyaşlı ananın, həm də uşağın insan hüquqlarını kobud şəkildə pozur. Erkən yaşda ana olan qızların sağlamlıq hüquqları pozulur, uşaqlıq dünyasından məhrum edilir, təhsildən uzaqlaşır və onun təhsil almaq hüququ pozulur. Layihənin həyata keçirilməsində məqsəd erkən nikahla bağlı məktəbliləri maarifləndirmək, ictimaiyyət arasında güclü təbliğat və maarifləndirmə işlərinin aparılması olmuşdur.
