2016-cı il oktyabrın 31- də Binəqədi rayonunda “Yerli Demokratiya Həftəsi”nə start verildi. Azərbaycan Qəsəbə Bələdiyyələrinin Milli Assosasiyasının sədri, M.Ə.Rəsulzadə bələdiyyəsinin sədri Hümbət Hüseynov, Binəqədi rayon bələdiyyələrinin sədrləri və üzvləri ilə birlikdə bələdiyyələrdə “açıq qapı” günlərinin elan edilməsi, vətəndaşlarla operativ əlaqənin təmin edilməsi məqsədi ilə “ qaynar xətt” telefon nömrələrinin elan edilməsi, bələdiyyələrin inzibati binasının qarşısında və əhalinin sıx toplaşdığı yerlərdə “bələdiyyə poçt qutuları”nın quraşdırılması, bələdiyyənin inzibati ərazisində və yerləşdikləri binalarda “İnsan hüquqlarının təmin olunması bələdiyyənin şəffaf fəaliyyətini daha da şərtləndirir”, “Yerli Demokratiya Həftəsində fəal iştirak edək” , “Bələdiyyə-vətəndaş , vətəndaş-bələdiyyə əlaqələrini möhkəmləndirək” , “Vətəndaşların yerli özünüidarəetmədə iştirakını təmin edək” şüarları yazılmış plakat və transparantların asılması məsələləri müzakirə edildi.
Binəqədi rayon bələdiyyələri 2016-cı ilin oktyabr ayının 31-dən noyabr ayının 5-nə qədər çox mədəniyyətli cəmiyyətlərdə birgə yaşayıb; hörmət, dialoq, qarşılıqlı əlaqə adı altında keçiriləcək “Yerli Demokratiya Həftəsi”nin tədbirlər planını təsdiq etdilər.
“Yerli Demokratiya Həftəsi” çərçivəsində hər birinizi aktiv olmağa, bələdiyyələrin fəaliyyətinin təşkilində iştirak etməyə dəvət edirik.
Təklif, şikayət, problemləriniz və suallarınızla bağlı müraciət edə və qaynar xətt vasitəsi ilə bizimlə operativ əlaqə saxlaya bilərsiniz.
Binəqədi bələdiyyəsi:
Bakı şəhəri, Binəqədi rayonu, Azadlıq prospekti 184; Tel: 012-562-85-16
M.Ə.Rəsulzadə bələdiyyəsi:
Bakı şəhəri, Binəqədi rayonu, H.Ağamalıyev küçəsi 5; Tel: 012-412-28-74
Biləcəri bələdiyyəsi:
Bakı şəhəri, Binəqədi rayonu, Biləcəri qəsəbəsi, A.Zeynallı 37A; Tel: 012-401-37-64
Binəqədi qəsəbə bələdiyyəsi:
Bakı şəhəri, Binəqədi rayonu, G.Ramazanov küçəsi 1; Tel: 012-411-21-80
Xocəsən bələdiyyəsi:
Bakı şəhəri, Binəqədi rayonu, R.Allahverdiyev küçəsi,
7-ci döngə, 100; Tel: 012-346-04-02
