M.Ə.Rəsulzadə bələdiyyəsi yeni tədris ilinin başlanılması ilə əlaqədar rayonun aztəminatlı, qaçqın və şəhid ailələrdən olan məktəb yaşlı uşaqları üçün məktəbli formaları hədiyyə etmişdir. Təşkil olunan aksiyada çıxış edən bələdiyyə sədri tədbir iştirakçılarına yeni dərs ilinin başlanması ilə bağlı öz təbriklərini çatdıraraq onlara yeni tədris ilində uğurlar arzuladı. Tədbirin sonunda çıxış edən valideyinlər ölkəmizdə aztəminatlı, qaçqın şəhid ailələrinin hərtərəfli qayğı ilə əhatə olunduğunu bildirərək, göstərilən diqqətə görə ölkə başçısına minnətdarlıqlarını bildirmişdilər.
