Home » Bələdiyyə üzvləri

Bələdiyyə üzvləri

 

mahirAbbasəliyev Mahir Ziyad oğlu

Yerli iqtisadi inkişaf məsələləri daimi komissiyasının sədri

   20 dekabr 1974-cü ildə anadan olmuşdur. 1996-cı ildə Azərbaycan Dövlət Neft Akademiyasını, 2002-ci ildə Azərbaycan Dövlət İqtisad Universitetini, 2003-cü ildə Azərbaycan Respublikası Prezidenti yanında Dövlət İdarəçilik Akademiyasını bitirmişdir.

1991-1996-cı illərdə Sabunçu və Səbael rayonlarında Statistika şöbəsində iqtisadçı, 1999-cu ildə Azərbaycan Respublikası Dövlət Statistika Komitəsində aparıcı iqtisadçı, 1999-2000-ci illərdə Xətai Rayon İcra Hakimiyyəti başçısının köməkçisi, 2000-2008-ci illərdə Yeni Azərbaycan Partiyası İcra katibinin köməkçisi vəzifələrində işləmişdir. 2008-ci ildən Yeni Azərbaycan Partiyasının İşlər İdarəsinin müdiridir.

2017-ci ildə Azərbaycan Respublikası Prezidentinin Sərəncamı ilə “Tərəqqi” medalı ilə təltif olunmuşdur. 

2014-cü ildə respublikada keçirilən IV çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmiş, Yerli iqtisadi inkişaf məsələləri daimi komissiyanın sədri olmuşdur.

2019-cu ildə respublikada yerli özünüidarəetmə orqanlarına keçirilən V çağırış bələdiyyə seçkilərində iştirak edərək növbəti dəfə Binəqədi rayonu M.Ə.Rəsulzadə bələdiyyəsinin üzvü seçilmişdir. Hazırda bələdiyyənin Yerli iqtisadi inkişaf məsələləri daimi komissiyanın sədridir.

Yeni Azərbaycan Partiyasının üzvüdür. 

Ailəlidir.

 

Sadıqova Jalə Tofiq qızı

Yerli sosial məsələlər daimi komissiyasının sədri

  30 yanvar 1981-ci ildə anadan olmuşdur. 2002-ci ildə Azərbaycan Dövlət Mədəniyyət və İncəsənət Universitetini və 2007-ci ildə Bakı Dövlət Universitetini bitirmişdir. 15 ildən artıq Azərbaycan mediasında çalışmışdır. İş fəaliyyətinə 1998-ci ildə Azərbaycan Televiziya və Radio Verilişləri QSC-də  (AzTV) başlamış, sonra “Arena” qəzetində,  Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin mətbu orqanı olan “Vətən səsi” qəzetində parlament müxbiri işləmişdir. 2010-2013-cü illərdə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının internet qəzeti – qhtxeber.az saytında parlament müxbiri və saytın redaktoru vəzifəsində işləmişdir. 2013-cü ildən Yeni Azərbaycan Partiyası Binəqədi Rayon Təşkilatında gənclər sektoru, sosial şəbəkələrlə işə məsul və bineqediyap.org.az saytının redaktoru olmuşdur.

2014-cü ildə respublikada yerli özünüidarəetmə orqanlarına keçirilən IV çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmişdir. Bələdiyyənin Yerli sosial məsələlər daimi komissiyasının sədri olmuşdur. 2016-cı ildə dövlət qulluğuna keçməklə əlaqədar bələdiyyə üzvülüyünə xitam verilmiş, 2017-ci ilə qədər Binəqədi Rayon İcra Hakimiyyətinin başçısı Aparatının İctimai-siyasi və humanitar məsələlər şöbəsində baş məsləhətçi vəzifəsində çalışmışdır. 2017-2020-ci illərdə M.Ə.Rəsulzadə bələdiyyəsində sədrin köməkçisi – ictimaiyyətlə və KİV-lə işin aparıcısı vəzifəsində işləmişdir.

2019-cu ildə respublikada yerli özünüidarəetmə orqanlarına keçirilən V çağırış bələdiyyə seçkilərində iştirak edərək növbəti dəfə Binəqədi rayonu M.Ə.Rəsulzadə bələdiyyəsinin üzvü seçilmişdir. Hazırda bələdiyyənin Yerli sosial məsələlər daimi komissiyasının sədridir.

Yeni Azərbaycan Partiyasının üzvüdür. Yeni Azərbaycan Partiyası Binəqədi Rayon Təşkilatı Qadınlar Şurasının üzvüdür.

Ailəlidir.

 

İbrahimova Ayla Hacıbala qızı

Yerli ekologiya məsələləri daimi komissiyasının sədri 

 14 avqust 1990-cı ildə anadan olmuşdur. Azərbaycan Dövlət İqtisad Universitetini bitirmişdir.

2014-2015-ci illərdə Azərbaycan Dövlət İqtisad Universitetində tyutor işləmişdir. Hər zaman ictimai-siyasi  fəallığı ilə seçilmişdir.

2014-cü ildə Azərbaycanda yerli özünüidarəetmə orqanlarına keçirilən IV çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmiş, Hüquq məsələləri daimi komissiyası və Mətbuat, informasiya və gənclərlə iş  üzrə komissiyalarının üzvü olmuşdur.

2019-cu ildə Azərbaycanda yerli özünüidarəetmə orqanlarına keçirilən V çağırış bələdiyyə seçkilərində iştirak edərək növbəti dəfə Binəqədi rayonu M.Ə.Rəsulzadə bələdiyyəsinin üzvü seçilmişdir. Hazırda bələdiyyənin Yerli ekologiya məsələləri daimi komissiyasının sədridir.

Yeni Azərbaycan Partiyasının üzvüdür. YAP Binəqədi rayon Təşkilatı Gənclər Birliyi İdarə Heyətinin üzvüdür.

Subaydır.

 

Fərzəliyeva Elmira Raquf qızı

Yerli büdcə məsələləri daimi komissiyasının sədri

 24 fevral 1989-cu ildə anadan olmuşdur. 2011-ci ildə  Azərbaycan  Dövlət İqtisad Universitetini bitirmişdir.

2008-2020-ci illərdə Müdafiə Sənayesi Nazirliyi Milli Aerokosmik Agentliyində növbəli olaraq böyük texnik, redaktor, aparıcı mühəndis, mühəndis proqramlaşdırıcı və iqtisadçı vəzifələrində çalışmışdır.

2019-cu ildə respublikada yerli özünüidarəetmə orqanlarına keçirilən V çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmişdir. Hazırda  bələdiyyənin Yerli büdcə məsələləri daimi komissiyanın sədridir.

Bitərəfdir.

Ailəlidir, üç övladı var.

 

sabirHüseynov Sabir Hüseyn oğlu

Hüquq məsələləri daimi komissiyasının sədri

 02 aprel 1947-ci ildə anadan olmuşdur. 1973-cü ildə Azərbaycan Dövlət Universitetinin (indiki Bakı Dövlət Universiteti) hüquq fakultəsini bitirmişdir. 1975-ci ildə Daxili İşlər Orqanlarında müstəntiq vəzifəsinə təyinat almışdır. Fəaliyyəti müddətində müxtəlif məsul vəzifələrdə çalışmış, polis rəisi vəzifəsinə qədər yüksəlmişdir. 1998-ci ildə təqaüdə çıxmışdır.

1999-cu ildə Azərbaycanda ilk dəfə yerli özünüidarəetmə orqanlarına keçirilən seçkilərdə iştirak etmiş, Binəqədi rayonu M.Ə.Rəsulzadə bələdiyyəsinin üzvü seçilmişdir. 2000-2004-cü illər ərzində sədr müavini olmuşdur.

2004-cu ildə respublikada keçirilmiş II çağırış, 2009-cu ildə III çağırış, 2014-cü ildə IV çağırış bələdiyyə seçkilərində iştirak edərək bələdiyyə üzvü seçilmiş və Hüquq məsələləri daimi komissiyasının sədri vəzifəsində çalışmışdır.

2019-cü ildə respublikada yerli özünüidarəetmə orqanlarına keçirilən V çağırış bələdiyyə seçkilərində iştirak edərək növbəti dəfə  M.Ə.Rəsulzadə bələdiyyəsinin üzvü seçilmişdir. Hazırda bələdiyyənin Hüquq məsələləri daimi komissiyanın sədridir.

Yeni Azərbaycan Partiyasının üzvüdür.

Ailəlidir, üç övladı var.

 

Tağıyev Xaqani İbrahim oğlu

Mətbuat, informasiya və gənclərlə iş  üzrə komissiyasının  sədri

03 aprel 1981-ci ildə anadan olmuşdur. 2002-ci ildə Elm və Təhsil Mərkəzi “Təfəkkür” Universitetinin bakalavr, 2004-cü ildə Bakı Dövlət Universitetinin hüquqşünaslıq fakultəsi üzrə magistr pilləsini bitirmişdir.

2001-2006-cı illərdə Nəqliyyat Nazirliyi “Bakı ANM”-də hüquqşünas, 2006-2007-ci illərdə Yeni Azərbaycan Partiyası  Binəqədi rayon təşkilatında təlimatçı vəzifələrində çalışmışdır. 2007-2013-cü illərdə Milli Məclis Aparatında deputat köməkçisi olmuşdur. 2013-cü ildən  Yeni Azərbaycan Partiyası  Mərkəzi Aparatında koordinator vəzifəsində işləyir.

2019-cu ildə respublikada yerli özünüidarəetmə orqanlarına keçirilən V çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmişdir. Hazırda  bələdiyyənin Mətbuat, informasiya və gənclərlə iş  üzrə komissiyasının  sədridir.

Yeni Azərbaycan Partiyasının üzvüdür.

Ailəlidir, iki övladı var.

 

Abdulla-zadə Günel Fizuli qızı

Yerli sosial məsələlər daimi komissiyasının üzvü

   05 may 1991-ci ildə anadan olmuşdur. 2014-cü ildə Azərbaycan Dövlət Pedaqoji Universitetinin filologiya fakültəsini bitirmişdir. Hər zaman ictimai-siyasi  fəallığı ilə seçilmişdir.

2014-cü ildə respublikada yerli özünüidarəetmə orqanlarına keçirilən IV çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmiş, Yerli büdcə məsələləri komissiyasının üzvü, Yerli sosial məsələlər daimi komissiyasının sədri olmuşdur.

2019-cu ildə respublikada yerli özünüidarəetmə orqanlarına keçirilən V çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmişdir. Hazırda bələdiyyənin Yerli sosial məsələlər daimi komissiyanın və Mətbuat, informasiya və gənclərlə iş  üzrə komissiyasının üzvüdür.

Yeni Azərbaycan Partiyasının üzvüdür.

Ailəlidir, bir övladı var.

 

elnareRüstəmova Elnarə Viktorovna 

Yerli ekologiya məsələləri daimi komissiyasının üzvü

   27 aprel 1969-ci ildə anadan olmuşdur. 1991-ci ildə M.F.Axundov adına Azərbaycan Pedaqoji Rus dili və ədəbiyyatı İnstitutunun Rus dili və ədəbiyyatı fakültəsini bitirmişdir.

1992-2005-ci illərdə Bakı şəhəri Xətai rayonu 55 saylı orta məktəbdə rus dili müəlliməsi işləmişdir. 2004-2005-ci illərdə Bakı Slavyan Universitetinin tarix ixtisası üzrə yenidən hazırlanma kursunda təhsil almışdır. 2005-ci ildən Bakı şəhəri Xətai rayonunda 55 saylı orta məktəbdə tarix müəlliməsi işləyir.

2009-cu ildə respublikada keçirilmiş III çağırış, 2014-cü ildə IV çağırış  bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmiş, Yerli iqtisadi inkişaf məsələləri daimi komissiyasının üzvü olmuşdur.

2019-cu ildə yerli özünüidarəetmə orqanlarına keçirilən V çağırış bələdiyyə seçkilərində iştirak edərək növbəti dəfə M.Ə.Rəsulzadə bələdiyyəsinin üzvü seçilmişdir. Hazırda bələdiyyənin Yerli ekologiya məsələləri daimi komissiyasının və Hüquq məsələləri daimi komissiyasının üzvüdür.

Azərbaycanın Demokratik İslahatlar Partiyasının üzvüdür.

Ailəlidir, 2 övladı var.

 

Cinare-AgayevaAğayeva Çinarə Tahir qızı

Yerli sosial məsələlər daimi komissiyasının üzvü

   3 aprel 1989-cü ildə anadan olmuşdur. 2012-ci ildə Azərbaycan Dillər Universitetinin ingilis dili fakültəsini fərqlənmə diplomu ilə bitirmişdir. Universitetdə təhsil aldığı müddətdə 4 dəfə fakültə dekanının Fəxri fərmanına, 2 dəfə isə Tələbə Həmkarlar İttifaqının keçirdiyi konfranslarda birinci yerə layiq görülmüşdür.

2013-2017-cı illərdə Binəqədi Rayonu İcra Hakimiyyəti Sakinlərin Müraciəti Xidmətində (1646) məsləhətçi vəzifəsində işləmişdir. 2019-cu ildən Əmək və Əhalinin Sosial Müdafiəsi Nazirliyinin DOST İş Mərkəzində sosial agent vəzifəsində çalışır. 

2014-cü ildə respublikada keçirilən IV çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmiş, Mətbuat, informasiya və gənclərlə iş üzrə  komissiyanın üzvü olmuşdur.

2019-cu ildə Azərbaycanda yerli özünüidarəetmə orqanlarına keçirilən V çağırış bələdiyyə seçkilərində iştirak edərək növbəti dəfə Binəqədi rayonu M.Ə.Rəsulzadə bələdiyyəsinin üzvü seçilmişdir. Hazırda Yerli sosial məsələlər daimi komissiyasının və Hüquq məsələləri daimi komissiyasının üzvüdür.

Yeni Azərbaycan Partiyasının üzvüdür.

Subaydır.

eliabbasSəfərov Əlabbas Qorxmaz oğlu

Yerli büdcə məsələləri daimi komissiyasının üzvü

 10 iyun 1973-ci ildə anadan olmuşdur. 1992-ci ildə Naxçıvan sovxoz-texnikumunu bitirmişdir. 2007-ci ildə Sumqayıt Dövlət Universitetində təhsil almışdır. Müharibə veteranıdır.

2005-2009-cı illərdə 9 saylı Binəqədi rayon II Seçki Dairəsində Dairə Seçki komissiyasının üzvü işləmişdir. Fərdi sahibkarlıqla məşğuldur.

2009-cu ildə respublikada keçirilmiş III çağırış, 2014-cü ildə IV çağırış  bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmiş, Yerli sosial məsələlər daimi komissiyasının üzvü olmuşdur.

2019-cu ildə yerli özünüidarəetmə orqanlarına keçirilən V çağırış bələdiyyə seçkilərində iştirak edərək növbəti dəfə M.Ə.Rəsulzadə bələdiyyəsinin üzvü seçilmişdir. Hazırda bələdiyyənin Yerli büdcə məsələləri daimi komissiyasının üzvüdür.

Böyük Qurtuluş Partiyasının üzvüdür.

Evlidir, üç övladı var.

 

Eldarlı Sənubər Musa qızı

Yerli büdcə məsələləri daimi komissiyasının üzvü

 04 fevral 1995-ci ildə anadan olmuşdur. 2016-cı ildə Azərbaycan Dövlət İqtisad Universitetini bitirmişdir. 2018-ci ildə Ukraynanın Çerxas şəhərində Boqdan Ximelinski adına Çerxas Milli Universitetinin magistr pilləsini başa vurmuşdur.

2017-ci ildən  Nəqliyyat, Rabitə və Yüksək Texnologiyalar Nazirliyi “Bakı Telefon Rabitəsi” MMC-də mühasib vəzifəsində çalışır.

2019-cu ildə respublikada yerli özünüidarəetmə orqanlarına keçirilən V çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmişdir. Hazırda  bələdiyyənin Yerli büdcə məsələləri daimi komissiyasının üzvüdür.

Bitərəfdir.

Ailəlidir, bir övladı var.

Vəlili Güllü Əli qızı

Yerli iqtisadi inkişaf məsələləri daimi komissiyasının üzvü

 08 mart 1995-ci ildə anadan olmuşdur. 2013-cü ildə Azərbaycan Kooperasiya Universitetinin Maliyyə fakultəsinə qəbul olmuş, 2017-ci ildə oranı bitirmişdir.

2017-ci ildən “Azərxalça” ASC-də mühasib vəzifəsində işləyir.

2019-cu ildə respublikada yerli özünüidarəetmə orqanlarına keçirilən V çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmişdir. Hazırda  bələdiyyənin Yerli iqtisadi inkişaf məsələləri daimi komissiyasının üzvüdür.

Bitərəfdir.

Subaydır.

Hacıyev Nurlan Ələddin oğlu

Yerli ekologiya məsələləri daimi komissiyasının üzvü

 29 noyabr 1992-ci ildə anadan olmuşdur. 2014-cü ildə Azərbaycan Kooperasiya Universitetini bitirmişdir. Təhsil aldığım illərdə universitetin ictimai işlərində fəal iştirak etmişdir.

2015-ci ildən Yeni Azərbaycan Partiyası Binəqədi rayon təşkilatında fəal gənc olaraq fəaliyyət göstərir.

2019-cu ildə respublikada yerli özünüidarəetmə orqanlarına keçirilən V çağırış bələdiyyə seçkilərində iştirak edərək Binəqədi rayonu M.Ə.Rəsulzadə bələdiyyəsinin üzvü seçilmişdir. Hazırda  bələdiyyənin Yerli ekologiya məsələləri daimi komissiyasının və Mətbuat, informasiya və gənclərlə iş  üzrə komissiyasının üzvüdür.

Yeni Azərbaycan Partiyasının üzvüdür. 2018-ci ildən Yeni Azərbaycan Partiyası Binəqədi rayon təşkilatı Gənclər Birliyinin İdarə Heyətinin üzvüdür.

Subaydır.